نواز شریف کی تازہ میڈیکل رپورٹ پر گورنر سندھ عمران اسماعیل نے دلچسپ تبصرہ کرتے ہوئے کہا ہے کہ ہر انہونی بیماری نواز شریف کو ہوتی ہے۔
گورنر سندھ نے اپنے ٹوئٹر اکاؤنٹ پر ٹوئٹ کیا ہے جس میں لکھا ہے کہ ہر انہونی بیماری نواز شریف کو ہوتی ہے۔
انہوں نے مزید لکھا کہ معلوم نہ تھا کہ دل ٹوٹنا بھی بیماری ہوتی ہے۔
گورنر سندھ کا کہنا تھا کہ اصل بیماری ملک لوٹنے سے ہوتی ہے، دل ٹوٹنے سے نہیں۔
عمران اسماعیل نے نثری صنف کا استعمال کرتے ہوئے شاعرانہ انداز میں کہا کہ تمہیں یہ جاننا تھا تم سےمحبت کتنی ہےچاہت کتنی ہےوفاکی شدت کتنی ہے؟
ٹوئٹ کے آخری جملے میں انہوں نے سابق وزیراعظم کو مخاطب کرتے ہوئے کہا کہ لو ہم دل سےکہتےہیں اب لوٹ آؤ، کوئی توعہد نبھاؤ چلواب لوٹ آؤ۔
معلوم نہ تھا کہ دل ٹوٹنا بھی اک بیماری ہے۔
ہر انہونی بیماری نواز شریف کو ہی ہوتی ہے۔
اصل بیماری ملک لوُٹنے سے ہوتی ہے- دل ٹوٹنے سے نہیں۔
تمہیں یہ جاننا تھا تم سے محبت کتنی ہے
چاہت کتنی ہے وفا کی شدت کتنی ہے؟
لو ہم دل سے کہتے ہیں
اب لوٹ آؤ
کوئی تو عہد نبھاؤ
چلو اب لوٹ آؤ— Imran Ismail (@ImranIsmailPTI) February 1, 2022
واضح رہے کہ منگل کے روز سابق وزیراعظم نواز شریف کی تازہ میڈیکل رپورٹس سامنے آئی ہیں، جس میں ڈاکٹر نے نواز شریف کو مکمل صحتیاب نہ ہونے تک سفر نہ کرنے کی تجویز دیتے ہوئے کہا ہے کہ بغیر علاج واپس جاکر قید کاٹنا اور بیوی کے انتقال کا صدمہ دل کا مرض بڑھا سکتا ہے۔
نواز شریف کی تازہ میڈیکل رپورٹس لاہور ہائی کورٹ میں جمع کرادی گئی ہیں۔
