گورنر سندھ کامران ٹیسوری نے مہاجر قومی موومنٹ کے چیئرمین آفاق احمد سے رابطہ کیا ہے دونوں رہنماؤں کی آج ملاقات متوقع ہے۔
اے آر وائی نیوز کو ذرائع سے ملنے والی اطلاعات کے مطابق گورنر سندھ جو ان دنوں ایم کیو ایم پاکستان کے دھڑوں کو متحد کرنے کے مشن پر ہیں کا مہاجر قومی موومنٹ کے چیئرمین آفاق احمد سے ٹیلیفونک رابطہ ہوا ہے جس میں دونوں رہنماؤں کے درمیان سیاسی صورتحال، صوبے کی ترقی اور شہری مسائل سمیت دیگر امور پر تبادلہ خیال کیا گیا ہے۔
ذرائع کا کہنا ہے کہ گورنر سندھ اور چیئرمین مہاجر قومی موومنٹ کے درمیان آج ملاقات ہوگی۔
واضح رہے کہ گزشتہ روز ایم کیو ایم پاکستان کے وفد نے بھی خالد مقبول کی قیادت میں آفاق احمد سے ملاقات کی تھی اور انہیں 9 جنوری کو اپنے احتجاج میں شرکت کی دعوت دی تھی۔
یہ بھی پڑھیں: گورنر سندھ سے پی ایس پی قیادت کی رات گئے اہم ملاقات
دوسری جانب گورنر سندھ اور پی ایس پی کے وفد میں بھی رات گئے اہم ملاقات ہوئی تھی جس میں شہری مسائل کے لیے جدوجہد کے حوالے سے گفتگو کی گئی تھی۔
