گورنر اسٹیٹ بینک رضا باقر نے کہا ہے کہ یقین ہے ہم آنےوالے چیلنجوں پر قابو پانے کیلئے صحیح انتخاب کرینگے۔
گورنر اسٹیٹ بینک رضا باقر جن کی گورنر کی حیثیت سے 3 سالہ مدت آج مکمل ہورہی ہے نے سماجی رابطوں کی ویب سائٹ ٹوئٹر پر ٹوئٹ کرتے ہوئے کہا ہے کہ اللہ نے ملک کی خدمت کا موقع دیا، آج اسٹیٹ بینک کے گورنر کی حیثیت سے میرے 3 سال مکمل ہوجائیں گے۔
رضا باقر نے اپنے ٹوئٹ میں مزید لکھا ہے کہ ان 3 سالوں کے دوران 4 وزرائے خزانہ اور 5 فنانس سیکریٹریوں کے ساتھ کام کیا، میرا کام اسٹریٹجک وژن فراہم کرنا تھا۔
Message from Governor SBP, Dr Reza Baqir, on completion of his term. https://t.co/6vBzq0pDRh
— SBP (@StateBank_Pak) May 3, 2022
انہوں نے مزید کہا کہ اوورسیز پاکستانیوں کی حوصلہ افزائی کا شکریہ ادا کرتا ہوں، ڈپٹی گورنرز اور اسٹیٹ بینک مینجمنٹ ٹیم کا شکریہ ادا کرنا چاہتا ہوں، میری نظرمیں آپ ہمارے معاشی استحکام کیلئے ایک ستون ہیں۔
گورنر اسٹیٹ بینک نے اپنے ٹوئٹ میں یہ بھی کہا کہ ہمیں کئی چیلنجز کا سامنا ہے اور مجھے یقین ہے ہم آنے والے چیلنجوں پر قابو پانے کیلئے صحیح انتخاب کرینگے۔
واضح رہے کہ گزشتہ روز مشیر خزانہ مفتاح اسماعیل نے گورنر اسٹیٹ بینک کو تبدیل کرنے کا عندیہ دیا تھا۔
مزید پڑھیں: گورنر اسٹیٹ بینک تبدیل؟
وزیر خزانہ مفتاح اسماعیل نے اپنے ٹوئٹ میں کہا تھا کہ کل گورنراسٹیٹ بینک رضا باقرکی 3 سالہ مدت پوری ہوگی۔ میں نے رضا باقر سے بات کی اور انکو حکومتی فیصلے سے آگاہ کردیا ہے۔
