اسلام آباد: حکومت نےعیدالاضحی کے موقع پر24 ستمبر سے 26 ستمبر تک کی چھٹیوں کا اعلان کردیا ہے۔
وزارتِ داخلہ کی جانب سے جاری کردہ مراسلے کے مطابق عید الاضحیٰ کی تعطیلات کا آغاز جمعرات 24 ستمبر سے ہوگا۔
واضح رہے کہ رویت ہلال کمیٹی جانب سے جاری کردہ اعلامیے کے مطابق عید الاضحیٰ 25 ستمبر کو ہوگی۔
حکومت نے خوشی کے اس موقع پر تین دن کی چھٹیوں کا اعلان کیا ہے جو کہ 24 سے 26 دسمبر تک جاری رہیں گی تاہم عوام کو 27 ستمبر کو اتوار ہونے کے سبب ایک چھٹی اضافی ملے گی۔
دریں اثنا پشاور کی مسجد قاسم علی خان میں بھی ذوالحج کا چاند دیکھنے کے لئے مفتی شہاب الدین پوپلزئی کی سربراہی میں اجلاس طلب کیا گیا۔ حکومتی کمیٹی کے مدقابل اس کمیٹی کو بھی خیبر پختونخواہ کے کسی حصے سے چاند نظرآنے کی اطلاع موصول نہیں ہوئی تاہم پوپلزئی کمیٹی نےعیدالاضحیٰ کومنانے کا اعلان کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں