The news is by your side.

Advertisement

پاکستان میں چینی کورونا ویکسین کا ٹرائل مکمل

لاہور : وزیر صحت پنجاب ڈاکٹر یاسمین کا کہنا ہے کہ چین کے ساتھ ہونے والا کورونا ویکسین کا ٹرائل مکمل ہوگیا ہے ، تجزیے کے نتائج چند روز میں آجائیں گے۔

تفصیلات کے مطابق وزیر صحت پنجاب ڈاکٹر یاسمین نے اپنے بیان میں کہا ہے کہ کورونا ویکسین کا چین کے ساتھ ہونے والا ٹرائل مکمل ہوچکاہے، ہمارا  چین کے ساتھ ٹرائل کا کینیڈا میں تجزیہ چل رہاہے ، تجزیےکےنتائج چندروزمیں آجائیں گے، کوروناویکسین پہلےمرحلےمیں ہیلتھ ورکرزکودی جائےگی۔

ڈاکٹر یاسمین کا کہنا تھا کہ پنجاب میں کوروناوائرس سےاموات کی شرح میں کمی ہوئی ہے،کوروناویکسین پہلےمرحلےمیں ہیلتھ ورکرزکودی جائےگی۔

صحت کارڈ کے حوالے سے وزیر صحت پنجاب نے کہا ہے کہ صوبے میں 52لاکھ خاندانوں کوصحت سہولت کارڈ دیے جاچکے ہیں،پنجاب کےہرخاندان کو صحت سہولت کارڈ دیا جائے گا۔

خیال رہے چین کی جانب سے کورونا ویکسین کی پہلی کھیپ ہفتے کو پاکستان پہنچے گی ،پی آئی اے خصوصی بوئنگ777 طیارے سے چین سے کورونا ویکسین پاکستان لائے گی۔

ڈاکٹر فیصل سلطان نے بتایا تھا کہ پاکستان کے دیرینہ دوست چین نے حکومت پاکستان کو پانچ لاکھ کرونا ویکسین کا عطیہ کیا ہے، چین کی جانب سے عطیہ کی گئی ویکسین جلد پاکستان آجائیں گی۔

معاون خصوصی برائے صحت کا کہنا تھا کہ جو ویکسین سرکاری ذرائع سے حاصل کی جائیگی وہ مفت فراہم کی جائیگی، صحت سے متعلق عوام کو درست آگاہی دینا ہمارا فرض ہے۔

Comments

یہ بھی پڑھیں