اسلام آباد : حکومت نے غیر رجسٹرڈ 7 لاکھ افغان شہریوں کو افغان سیٹزن کارڈ جاری کرنے کی تجویز دے دی تاہم اس حوالے سے مختلف اسٹیک ہولڈرز سے بات چیت جاری ہے۔
تفصیلات کے مطابق حکومت نے غیر قانونی طور مقیم افغان شہریوں کی رجسٹریشن پر غور شروع کردیا۔
غیر رجسٹرڈ 7 لاکھ افغان شہریوں کو افغان سیٹزن کارڈ جاری کرنے کی تجویز سامنے آئی ہیں، ذرائع وزرات سیفران نے بتایا کہ کارڈز سے متعلق مختلف اسٹیک ہولڈرز سے بات چیت جاری ہے۔
بینک اکاؤنٹ، میڈیکل سہولیات،تعلیمی اداروں تک رسائی دینے کی تجویز بھی زیرغور ہیں ، اس قبل 8 لاکھ سے زائد افغان شہریوں کو اے سی سی کارڈ جاری کئے گئے تھے۔
یاد رہے گذشتہ روز کراچی میں رینجرز اور پولیس نے افغان باشندوں کے خلاف بڑا ایکشن کرتے ہوئے غیر قانونی طور پر سندھ میں داخل ہونے والے 122 افغان شہریوں کو گرفتار کرلیا تھا۔
