The news is by your side.

Advertisement

حکومت کا عیدالاضحٰی پر لوڈشیڈنگ نہ کرنے کا فیصلہ

اسلام آباد : حکومت نے عیدالاضحٰی پر ملک بھر میں لوڈشیدنگ نہ کرنے کا فیصلہ کر لیا ہے اور بجلی کی بروقت ترسیل یقینی بنانے کیلئے اسلام آباد میں مانیٹرنگ سنٹر بھی قائم کر دیا گیا ہے۔

تفصیلات کے مطابق حکومت نے عید قرباں پر لوڈشیڈنگ نہ کرنے کا فیصلہ کیا ہے ، ترجمان پاورڈویژن کا کہنا ہے کہ تمام پاور ڈسٹری بیوشن کمپنیوں کو اس فیصلے سے آگاہ کر دیا گیا ہے۔ 11 اگست کی شام 7 بجے سے 14 اگست شام 7 بجے تک کہیں بھی لوڈشیدنگ نہیں ہو گی۔

پاور ڈویژن کے مطابق عید الاضحٰی کے دنوں میں کسی فنی خرابی کو دور کرنے کیلئے ٹیمیں تشکیل دے دی گئی ہیں اور عید کے لئے خصوصی ڈیوٹیاں اور مانیٹرنگ کا انتظام کیا جاچکا ہے۔

ترجمان کا کہنا ہے کہ بجلی کی بروقت ترسیل یقینی بنانے کیلئے اسلام آباد میں مانیٹرنگ سنٹر بھی قائم کر دیا گیا ہے۔

یاد رہے 12 اگست کو ملک بھر میں عیدالاضحٰی مذہبی جوش و خروش کے ساتھ منائی جائے گی اور لاکھوں مسلمان سنتِ ابراہیمی پرعمل کرتے ہوئے قربانی کا فریضہ ادا کریں گے۔

حکومت کی جانب سے عید الاضحیٰ کے موقع پر 12 سے 15اگست تک چار روزہ تعطیلات کا اعلان کیا گیا ہے۔

Comments

comments

یہ بھی پڑھیں