اسلام آباد: حکومت کا سینیٹ الیکشن اوپن بیلٹ سے کرانے کے لیے آرڈیننس لانے کا فیصلہ کرلیا، فیصل جاوید کا کہنا ہے کہ آرڈینس لانے کا مقصد سب کوسینیٹ الیکشن میں برابر مقابلے کا موقع دینا ہے۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ حکومت کا سینیٹ الیکشن اوپن بیلٹ سے کرانے کے لیے آرڈیننس لانے کا فیصلہ کرلیا، اوپن ووٹ سے کرپشن اوررشوت کا خاتمہ ہوگا ، جو اپوزیشن کو قبول نہیں، اپوزیشن والےبغیر پیسےچلائے الیکشن جیت ہی نہیں سکتے۔
حکومت نے سینیٹ انتخابات اوپن بیلٹ سے کرانے کے لیے آرڈیننس لانے کا فیصلہ کر لیا ہے –
اوپن ووٹ سے کرپشن، رشوت کا خاتمہ ہوگا جو اپوزیشن کو قبول نہیں – کیونکہ یہ بغیر پیسے چلائے الیکشن جیت ہی نہیں سکتے – pic.twitter.com/LStYtHbbgV— Faisal Javed Khan (@FaisalJavedKhan) February 6, 2021
فیصل جاوید کا کہنا تھا کہ آرڈینس لانے کا مقصد سب کو سینیٹ الیکشن میں برابرمقابلے کا موقع دینا ہے، اوپن بیلٹ سے ہونے والی شفافیت اپوزیشن کو منظور نہیں، وجوہات سب کوپتہ ہیں، یہ لوگ بغیر رشوت دیے نہیں جیت سکتے۔
انھوں نے مزید کہا کہ عمران خان واحد کپتان ہیں جنہوں نے1986 میں غیرجانبدارایمپائرنگ متعارف کرائی، عمران خان نےانتخابات میں دھاندلی کے خلاف طویل ترین دھرنا دیا، انھوں نے سینیٹ الیکشن میں ووٹ بیچنےوالے20 ایم پی ایزکونکال کرمثال قائم کی، انشا اللہ سینیٹ میں انتخابات اوپن بیلٹ کے ذریعے ہی ہوں گے۔
عمران خان دنیا کرکٹ میں نیوٹرل امپائر لے کر آئے – تاکہ شفافیت ہو اور سبکو level playing فیلڈ ملے- عمران خان نےالیکشن دھاندلی کے خلاف اور الیکشن سسٹم کو ٹھیک کرنے کے لیے دنیا کی تاریخ کا سب سے لمبا احتجاج کیا – عمران خان نے اپنی پارٹی کے 20 پارلیمنٹیرینز کو ووٹ بیچنے پر نکالا
— Faisal Javed Khan (@FaisalJavedKhan) February 6, 2021
خیال رہے وفاقی کابینہ نے سینیٹ الیکشن اوپن بیلٹ سےکرانے کیلئے آرڈیننس کی منظوری دے دی، سینیٹ انتخابات کا شیڈول آنے سے پہلے آرڈیننس جاری ہونے کا امکان ہے۔
