کفایت شعاری مہم ، وفاقی حکومت کا جاری اخراجات میں 10 فیصد بچت کا فیصلہ
The news is by your side.

Advertisement

کفایت شعاری مہم ، وفاقی حکومت کا جاری اخراجات میں 10 فیصد بچت کا فیصلہ

اسلام آباد: وفاقی حکومت کا جاری اخراجات میں 10فیصد بچت کرنے کا فیصلہ کرلیا، وزارت خزانہ کا کہنا ہے کہ ہر قسم کی گاڑیوں کی خریداری پرپابندی عائد ہوگی،گاڑیاں خریدنے کے لئے وزارت خزانہ سے این او سی لازمی قرار دیا۔

تفصیلات کے مطابق وفاقی حکومت نے کفایت شعاری مہم سے متعلق اقدامات کا نوٹیفکیشن جاری کردیا ، جس میں وفاقی حکومت کا جاری اخراجات میں 10فیصد بچت کا فیصلہ کیا ہے۔

وزارت خزانہ کا کہنا ہے کہ ہر قسم کی گاڑیوں کی خریداری پرپابندی عائد ہو گی جبکہ قانون نافذ کرنے والے ادارے آپریشنل مقاصد کے لئے گاڑیاں خرید سکیں گے، گاڑیاں خریدنے کے لئے وزارت خزانہ سے این او سی لازمی قرار دیا ہے۔

وزارت خزانہ کے مطابق نئی آسامیوں کی تخلیق پرپابندی عائدہوگی، مجازافسران کو صرف ایک اخبار کی اجازت ہوگی جبکہ تمام سیکریٹریز کو بچت کے لئے حکمت عملی مرتب کرنے کی ہدایت کی، 15 دسمبر تک بچت کے حوالے سے حکمت عملی پیش کی جائے۔

گاڑیوں کی خریداری اور آسامیوں کی تخلیق سے متعلق 4 رکنی کمیٹی قائم کردی گئی ہے، ایڈیشنل سیکرٹری خزانہ اخراجات سے متعلق کمیٹی کے سربراہ ہوں گے۔

خیال رہے کہ وزیراعظم عمران خان کا کہنا تھا کہ کفایت شعاری وسادگی مہم صوابدیدی فنڈزختم کرکےاربوں روپےکی بچت کی ہے۔

کفایت شعاری مہم کے تحت حکومت نے وفاقی وزراء کے بعد سرکاری افسران کے بھی بیرون ملک دوروں پر پابندی عائد کی تھی، اجلاس اور کانفرنسز میں متعلقہ سفارت خانے کے اہلکار شرکت کریں گے، سرکاری حکام دعوت نامے بھی قبول بھی نہیں کریں گے۔

اس سے قبل کفایت شعاری مہم کے تحت وزہراعظم ہاؤس ،  وزارت مواصلات اور  قومی اسمبلی سیکرٹریٹ کی گاڑیوں کی گاڑیوں کی نیلامی کی گئی تھی۔

Comments

comments

یہ بھی پڑھیں