The news is by your side.

Advertisement

حکومت کا ملکی تاریخ کی پہلی ای کامرس پالیسی متعارف کرنے کا فیصلہ

اسلام آباد : حکومت نے ملکی تاریخ کی پہلی ای کامرس پالیسی متعارف کرنے کا فیصلہ کرلیا ، پہلی ای کامرس پالیسی منظوری کیلئے کابینہ کے اجلاس میں پیش کی جائے گی۔

تفصیلات کے مطابق ای کامرس کے فروغ اور ریگیولیشن کیلئےحکومت نے پہلی ای کامرس پالیسی متعارف کروانےکافیصلہ کیا ہے، وزارت تجارت پالیسی منظوری کے لیے کابینہ میں پیش کرے گی، کابینہ کااجلاس کل طلب کیا گیا ہے۔

پالیسی میں ای کامرس کو ریگولیٹ کرنے اور ای کامرس کو بروئے کار لاکر برآمدات کو بڑھانے کی تجویز دی گئی ہے جبکہ مقامی اور بیرون ملک ٹرانزیکشنز کیلئے موثر ای پیمنٹ انفراسٹرکچر بنانے پر زور دیاگیا ہے۔

پالیسی میں ادائیگیوں کیلئےبین الاقوامی گیٹ وے قائم کرنےکی بھی تجویز دی گئی ہے۔ نیٹ اس کے علاوہ آن لائن بزنس کوایس ای سی پی میں رجسٹرکرنے کی تجویز بھی پالیسی کاحصہ ہے۔

پالیسی میں ناکارہ اشیاکی ری ایکسپورٹ کیلئےاجازت دینےکی تجویز بھی شامل کی گئی ہے۔

پالیسی پر عمل کیلئے وفاق اورصوبوں میں اسٹیئرنگ کمیٹیوں کے قیام کی تجویز بھی زیرغورہے جبکہ پالیسی کے اطلاق سےملک میں روزگارکےنئے مواقع پیدا ہوں گے۔

Comments

یہ بھی پڑھیں