The news is by your side.

Advertisement

پاکستانیوں کی وطن واپسی ، طور خم اور چمن بارڈر کو ہفتے میں 2 بار کھولنے کا فیصلہ

اسلام آباد : حکومت نے طور خم اور چمن بارڈر کو ہفتے میں دو  بار کھولنے کا فیصلہ کرلیا ، 500 پاکستانی طورخم اور 300 سو چمن بارڈر سے لائے جائیں گے۔

تفصیلات کے مطابق حکومت کی جانب سے بیرون ممالک پھنسے پاکستانیوں کی وطن واپسی کیلئے ٹھوس اقدامات کئے جارہے ہیں، اسی صورتحال کے پیش نظر طور خم اور چمن بارڈر کو ہفتے میں دو دفعہ کھولنے کا فیصلہ کیا ہے۔

ذرائع کا کہنا ہے کہ 500 پاکستانی طورخم اور 300 سو چمن بارڈر سےلائے جائیں گے جبکہ 6ہزار پاکستانیوں کومختلف ممالک سے اگلے ہفتے تک لانے کا فیصلہ کیا گیا ہے۔

ذرائع کے مطابق یواےای سےپاکستانیوں کو واپس لانے کیلئے 16پروازیں چلائی جارہی ہیں اور ملائیشیا،سنگا پوراور بحرین سے رہا قیدوں کو بھی واپس لایاجائےگا جبکہ افریقہ اورامریکاکےلیےبھی خصوصی پروازوں کا فیصلہ کیا گیا ہے۔

بیرون ممالک پھنسےپاکستانیوں کو مختلف کیٹگریز میں تقسیم کردیا گیا، 35 ہزار سے زائد پاکستانی وطن واپسی کے خواہشمند ہیں ، واپسی پر مسافروں کو 48گھنٹے تک قرنطینہ کیاجائے گا۔

،ذرائع کے مطابق تمام مسافروں کو ٹیسٹنگ کے مرحلے سے گزرنا ہو گا، ٹیسٹ مثبت آنے پر مسافروں کو اسپتال میں رکھا جائے گا، یہ پالیسی زمینی راستےسےداخل ہو نے والےپاکستانیوں پر بھی لاگو ہوگی۔

یاد رہے گذشتہ روز معیدیوسف کا کہنا تھا کہ دنیابھرمیں پھنسےپاکستانیوں کومرحلہ وارلایاجارہاہےجن ممالک میں پی آئی اےکی رسائی نہیں وہاں دوسری پروازوں کواجازت دیں گے۔

fb-share-icon0
Tweet 20

Comments

comments

یہ بھی پڑھیں