اسلام آباد : حکومت پاکستان نے کل سے 30سال سے زائد عمر کے افرادکی کورونا ویکسینیشن شروع کرنے کا اعلان کردیا۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کل سے 30سال سے زائد عمرکےافرادکی ویکسی نیشن شروع کرنے کافیصلہ کرلیا ہے ، ویکسی نیشن کا فیصلہ آج این سی اوسی اجلاس میں کیاگیا۔
In today’s NCOC meeting it has been decided to open up vaccination for 30 years and older starting tomorrow. The messages for those who are being scheduled will go out today.
— Asad Umar (@Asad_Umar) May 21, 2021
یاد رہے 12 مئی کو وفاقی حکومت نے ویکسین کی فراہمی میں بہتری کے بعد 30سال اور اس سے زائد عمر کے افراد کی ویکسینیشن کی رجسٹریشن شروع کرنے کا اعلان کیا تھا۔
اسد عمر کا کہنا تھا کہ ویکسین کی فراہمی میں بہتری آرہی ہے اور ویکسی نیشن کی گنجائش میں اضافہ ہوتا جارہا ہے لہذا ہم ویکسین کےاہل افرادمیں اضافہ کرتے جاتے ہیں۔
خیال رہے حکومت نے 40سالہ افراد کو واک ان ویکسی نیشن کی سہولت دینے کا فیصلہ کیا تھا ، شہری کسی بھی سینٹر سے ویکسی نیشن کراسکتے ہیں۔
اسد عمر کا کہنا تھا کہ بزرگوں سے ویکسی نیشن شروع کرنےکی وجہ عالمی سطح پرمحدودفراہمی ہے، ایک اور وجہ ملک میں ویکسی نیشن کی گنجائش بھی ہے، مستقل کوشش سے ویکسین کی فراہمی ،گنجائش دونوں مسلسل بڑھ رہی ہے۔
