اسلام آباد: پی ایس او، پارکو اور سوئی گیس کمپنیوں نجکاری کا فیصلہ وفاقی حکومت پر چھوڑ دیا گیا اور سمری کابینہ کمیٹی سرکاری ملکیتی اداروں کو بھجوادی۔
تفصیلات کے مطابق پیٹرولیم ڈویژن نے نجکاری سے متعلق سمری کابینہ کمیٹی سرکاری ملکیتی اداروں کو بھجوادی۔
ذرائع نے بتایاکہ پیٹرولیم ڈویژن نے سمری میں تجویز کیا کہ اداروں کی نجکاری سےمتعلق فیصلہ حکومت کرے اور سمری میں نجکاری کی صورت میں مختلف پیچیدگیوں کا حوالہ بھی دیا ہے۔
ذرائع کا کہنا ہے کہ پی ایس اوکی نجکاری پرایل این جی معاہدے کاکیا ہوگا؟یہ بات حکومت مدنظر رکھے گی، کیا پارکو کی نجکاری یو اے ای کو اعتماد لیے بغیر ممکن ہوگی ؟حکومت یہ بات بھی مد نظر رکھے گی۔
پاک عرب ریفائنری لمیٹڈپاکستان اورمتحدہ عرب امارات کےدرمیان جوائنٹ ونچر ہے، پی ایس او،سوئی ناردرن اور سدرن گیس کمپنیوں کی نجکاری سے متعلق فیصلہ حکومت کرے گی۔
اس کے علاوہ پارکو،پاکستان منرل ڈیولپمنٹ کارپوریشن اور سینڈک میٹل لمیٹڈ کی نجکاری سے متعلق فیصلہ حکومت کرے گی۔
