The news is by your side.

Advertisement

عید کی آمد ، حکومت کا ٹرین آپریشن شروع کرنے سے متعلق بڑا فیصلہ

لاہور : حکومت نے عید سے قبل محدود ٹرین آپریشن شروع کرنےکا فیصلہ کرلیا، ریلوے نے سفر کے ایس او پیز تیار کرلیے ہیں، ٹکٹ کی صرف آن لائن بکنگ ہوگی۔

تفصیلات کے مطابق حکومت نے عید سے قبل محدود ٹرین آپریشن شروع کرنےکا فیصلہ کرلیا ، پہلے مرحلے میں 24 ٹرینوں کوآپریشن کی اجازت دی جائے گی، ریلوے نےسفر کے ایس او پیز تیار کرلیے ہیں۔

ذرائع کا کہنا ہے کہ ٹکٹ کی صرف آن لائن بکنگ ہوگی، ٹکٹ گھراوربکنگ آفس بندرہیں گے، ٹرین روانگی سے24 گھنٹے قبل آن لائن بکنگ بند ہوجائےگی، صرف بکنگ والےمسافر ہی اسٹیشن میں داخل ہوسکیں گے۔

ذرائع کے مطابق مسافر اپنےماسک اور دستانے کے بغیر ٹرین پرسفر نہ کر سکیں گے ، اسٹیشن پرٹی اسٹال بند ہوں گے، مسافروں کو کھانے کا انتظام خود کرنا ہوگا۔

مزید پڑھیں : ‘خواہش ہےعید سےقبل غریب کی سواری ٹرین بحال ہو

ذرائع کے مطابق ہر بوگی میں 78 کی بجائے60مسافر سفر کرسکیں گے جبکہ ٹرین کی بزنس کلاس کیبن میں 6 کی بجائے4 افرادسفرکریں گے، بوگی کےدروازے صرف ریلوے اسٹیشن پر کھلیں گے۔

ذرائع کا کہنا ہے کہ مسافر اپنے موبائل میں سےٹکٹ والا پیغام خود دکھائے گا ، ریلوے اہلکار موبائل فون کوہاتھ نہیں لگائےگا، اسٹیشن یاٹرین پرکوروناٹیسٹ مثبت آنے پر مسافر کو قرنطینہ منتقل کردیاجائے گا۔

یاد رہے وفاقی وزیر ریلوے شیخ رشید نے کہا تھا کہ خواہش کے عید سے قبل غریب کی سواری ٹرین سروس بحال کی جائے،احتیاطی تدابیر کےتحت تمام ایس او پیز پر عمل کریں گے، وزیراعظم عمران خان نے جمہوری پرائم منسٹر ہوتے ہوئے صوبوں کے فیصلوں کو تسلیم کیا تاہم وزیراعظم ٹرین آپریشن کی بحالی پر غور کیلئے 3دن مشاورت کریں گے۔

fb-share-icon0
Tweet 20

Comments

comments

یہ بھی پڑھیں