The news is by your side.

Advertisement

قومی بچت اسکیموں میں سرمایہ کاری ، بڑی خبر آگئی

اسلام آباد : حکومت پاکستان نے قومی بچت اسکیموں کے شرح منافع میں کمی کردی ، شرح منافع میں تبدیلی کا اطلاق آج سے ہی ہوگا۔

تفصیلات کے مطابق حکومت نے نیشنل سیونگ اسکیموں کے نئے پروفٹ ریٹ لسٹ جاری کر دی ، جس کے تحت اسکیموں کے شرح منافع میں  کمی کردی گئی اور اس حوالے سے نوٹی فکیشن جاری کردیا۔

نوٹی فکیشن میں کہا گیا پنشن فنڈ پر شرح منافع 12.96 فیصد سے کم کرکے 12.24فیصد ، بہبود سرٹیفیکٹس پر شرح منافع 12.96فیصدسےکم کرکے 12.24فیصد کر دیا گیا ہے۔

اسی طرح ریگولر انکم سرٹیفیکٹس پر شرح منافع 10.80فیصدسےکم کر کے 10.32فیصد اور ڈیفنس سرٹیفیکٹس پرشرح منافع 11.12فیصد سے کم کرکے 10.40فیصد ہوگیا۔

نوٹی فکیشن کے مطابق سیونگ اکاؤنٹس پر شرح منافع 7.25سے بڑھاکر 8.25 فیصد کردیا گیا ہے تاہم اسکیموں پر نئی شرح منافع کا نفاذ آج سے ہی کیا جائے گا۔

Comments

یہ بھی پڑھیں