The news is by your side.

Advertisement

پولیو وائرس کا خاتمہ، حکومت نے اہم فیصلہ کرلیا

اسلام آباد: وزیراعظم کے معاونِ خصوصی برائے صحت ڈاکٹر ظفر مرزا نے کہا ہے کہ پولیو کے خاتمے کے لیے نیشنل اسٹرٹیجک ایڈوائزری گروپ تشکیل دے دیا گیا۔

اسلام آباد میں میڈیا سے گفتگو کرتے ہوئے ڈاکٹر ظفر مرزا کا کہنا تھا کہ انسداد پولیو مہم کو سیاست سے پاک کرنا چاہتے ہیں، پولیو کے خاتمے کو قومی ترجیح کےطورپر اتفاق سے آگے بڑھایاجائےگا۔

اُن کا کہنا تھا کہ پولیو کیسز سامنے آنے اور وائرس ختم نہ ہونے کی وجہ سے دنیا بھر میں پاکستان کی ساکھ متاثر ہوئی۔

اطلاع کے مطابق وزیراعظم عمران خان کی مشاورت سے نیشنل اسٹرٹیجک ایڈوائزری گروپ قائم کردیا گیا، جس کی سربراہی معاون خصوصی برائے صحت ڈاکٹر ظفر مرزا کے سپرد کی گئی۔

مزید پڑھیں: پولیو سے پاک پاکستان ہماری اولین ترجیح ہے، بل گیٹس

گروپ میں شہناز وزیر علی اور سینیٹر عائشہ رضا فاروق کو بھی شامل کیا گیا۔ ڈاکٹر ظفر مرزا کے مطابق ایڈوائزری گروپ کا اجلاس ہر تین مہینے بعد طلب کیا جائے گا جس میں پولیو کے خاتمے پر پیش رفت کا جائزہ لیا جائے گا۔ علاوہ ازیں گروپ کے ممبران اور اراکین پروگرام کے امور پر مطلوبہ رہنمائی اور معاونت فراہم کریں گے۔

خیال رہے کہ رواں برس ملک میں پولیو کیسز میں تشویشناک اضافہ دیکھنے میں آیا ہے اور اب تک سامنے آنے والے پولیو کیسز کی تعداد 82 ہوگئی ہے۔

fb-share-icon0
Tweet 20

Comments

comments

یہ بھی پڑھیں