لاہور: بلاول بھٹو زرداری نے کہا ہے کہ حکمران خادم ہیں نہ اعلٰی ہیں، عوام جو کچھ کماتے ہیں حکمران لوٹ لیتےہیں۔

لاہورمیں کسان کنونشن سے بلاول بھٹو زرداری کا کہنا تھا کہ کسان جوکچھ کماتا ہےحکمران لوٹ لیتے ہیں بلاول نے یاد دلایا کہ شریف برادران نےچھ ماہ میں لوڈشیڈنگ ختم کرنےکاوعدہ کیا تھا۔

بلاول نے کہا کہ انہوں نے دہشتگردی کے خلاف سب سے پہلے آواز اٹھائی،پیپلزپارٹی کودہشتگردی سے نہ جوڑا جائے، میں دہشت گردی کیخلاف ہوں،ہم اپنےجوانوں کےساتھ ہیں۔

انہوں نے کہا کہ ملک عوام سے بنتاہے کہ میٹروبسیں بنانے سے نہیں بنتا اور ترقی مساوات سے ہوتی ہے لیکن حکومتی ایجنڈے میں نہ تو عوام ہے اور ہی مساوات ہے، غریب عوام کو ایک وقت کی روٹی بھی نصیب نہیں ہورہی اور آپ میٹروبس بنارہے ہیں میاں صاحب اگر آپ کسانوں کو معاوضہ نہیں دلوا سکتے تو آپ کو حکمرانی کا حق حاصل نہیں ۔

بلاول نے کہا کہ میاں صاحب آپ کہتے تھے کہ 6ماہ میں بجلی آ جائے گی لیکن کہاں ہےبجلی اور آپ نے کہاتھا کہ اگر بجلی نہیں آئی تومیرا نام بدل دینا ،توآپ بتائیں آپ کو کس نام سے پکاروں ،کشکول توڑنے کی باتیں کرنے والے تبلے بجا رہے ہیں بتائیں آپ نے پاکستان کے کس علاقے کو روشن کیا ہے ۔