The news is by your side.

ملک میں تیل کے ذخائر کی تلاش ، وفاقی حکومت کا بڑا اقدام

اسلام آباد : حکومت نے بلوچستان میں تیل کی تلاش کیلئے چارنئے بلاکس میں کھدائی کی اجازت دے دی۔

تفصیلات کے مطابق وفاقی حکومت نے بلوچستان میں تیل کی تلاش کیلئے چارنئے بلاکس میں کھدائی کی اجازت دے دی۔

اوجی ڈی سی ایل اور پی پی ایل کی جانب سے اعلامیے میں کہا گیا کہ لوگائی، تانیشپا، شائی گالو اور جنوبی پشین میں کھدائی کی جائے گی۔

اعلامیے میں کہنا تھا کہ اوجی ڈی سی ایل لوگائی اور تانیشپا بلاکس کی کھدائی کی نگرانی کرے گی جبکہ پی پی ایل شائی گالو اور مری پٹرولیم جنوبی پشین میں نگرانی کرے گی۔

خیال رہے اکتوبر 2022 میں تیل کی تلاش کیلئے بلاکس میں کھدائی کیلئے بولی دی گئی تھی۔

یاد رہے بنوں ویسٹ بلاک میں تیل و گیس کے دریافت شدہ ذخائر میں مزید اضافہ ہوا تھا ، گیس کےذخائر 25 ایم ایم سی ایف ڈی سے بڑھ کر50 ایم ایم سی ایف ڈی ہوگئے تھے۔

اس حوالے سے ترجمان ماڑی پٹرولیم نے بتایا کہ کنویں سے 300 بیرل یومیہ تیل بھی دریافت ہوا۔

ملک میں تیل کے ذخائر کی تلاش ، وفاقی حکومت کا بڑا اقدام

Comments

یہ بھی پڑھیں