حکومت ہر چیز میں ناکام ہوچکی ہے، جہانگیر خان ترین -
The news is by your side.

Advertisement

حکومت ہر چیز میں ناکام ہوچکی ہے، جہانگیر خان ترین

ملتان: پاکستان تحریک انصاف کے مرکزی رہنما جہانگیر خان ترین نے کہا ہے کہ ٹربیونل میں ڈھائی سال مقالبہ کیا اس جعلی اور دھاندلی شدہ الیکشن کا سپریم کورٹ میں بھی مقابلہ کریں گے۔

ملتان سابق وزیراعظم سید یوسف رضا گیلانی کے بھانجے سید اسد مرتضٰی گیلانی کی شہادت پر ان کے اہل خانہ سے تعزیت کے بعد میڈیا کے گفتگو کرتے ہوئے جہانگیر خان ترین نے کہا کہ حکومت ہر چیز میں ناکام ہوچکی ہے۔ حج کو ہینڈل کرنے کیلئے اپنے رشتے داروں کو آگے کیا گیا، حج انتظامات میں ناکامی افسوسناک ہے۔

 این اے 154 کے متعلق ان کا کہنا تھا کہ کل کی تاریخ اسٹے کے اوپرتھی اپیل سننے یا نہ سننے کی نہیں تھی۔ 11 اکتوبر کو میرا مقابلی صدیق خان بلوچ کیساتھ تھا، الیکشن سے 12 دن پہلے ہی وہ میدان چھوڑ کر بھاگ گئے کیونکہ عبرت ناک شکست انہیں دکھائی دے رہی تھی۔

جہانگیرخان ترین کا کہنا تھا کہ اس کیس کے متعلق اعلامیہ جاری کیا گیا تھا کہ اس کی اپیل میں نہیں جائیں گے۔ ان کا کہنا تھا کہ میں الیکشن کمپیئن میں ہوں لوگوں میں دوسروں کیخلاف نفرت بہت ہے۔

 ان کا کہنا تھا کہ پنجاب حکومت ریاستی مشینری کا زبردست استعمال کرے گی اور لوگوں کو خریدنے کی کوشش کرے گی، جو لوگ ہمارے ساتھ آئے ہیں وہ نظریات کیساتھ آئے ہیں ن لیگ کی حکومت کے آخری دن آگئے ہیں۔

Comments

comments

یہ بھی پڑھیں