The news is by your side.

Advertisement

پنجاب میں ق لیگ کے ساتھ بہترین ورکنگ ریلیشن شپ ہے،عثمان بزدار

لاہور: وزیراعلیٰ پنجاب سردار عثمان بزدار نے کہا ہے کہ پنجاب میں ق لیگ کے ساتھ بہترین ورکنگ ریلیشن شپ ہے۔

تفصیلات کے مطابق وزیراعلیٰ پنجاب عثمان بزدار سے اسپیکر پنجاب اسمبلی چوہدری پرویزالٰہی نے ملاقات کی جس میں سیاسی صورتحال، پنجاب اسمبلی کے نئے بلاک کی تعمیر کے حوالے سے پیش رفت پر تبادلہ خیال کیا گیا۔

اس موقع پر عثمان بزدار کا کہنا تھا کہ تنقید کرنے والے عناصر پیچھے رہ جائیں گے،تنقیدکرنے والے عناصر مخصوص ایجنڈے کے تحت پروپیگنڈا کر رہے ہیں،وزیراعظم کی قیادت میں نیا پاکستان آگے بڑھتا جائے گا۔

وزیراعلیٰ پنجاب نے کہا کہ پنجاب میں ق لیگ کے ساتھ بہترین ورکنگ ریلیشن شپ ہے۔انہوں نے مزید کہا کہ عوام کی فلاح کے وہ کام کر رہے ہیں جو سابق حکمران برسوں میں نہ کر پائے،ماضی میں غلط ترجیحات کی وجہ سے صوبے کے عوام کا بے پناہ نقصان کیا گیا۔

دوسری جانب اسپیکر پنجاب اسمبلی پرویز الہیٰ نے کہا کہ سابق دور حکومت میں صوبے کا حلیہ بگاڑا گیا،ماضی کی حکومت نے غلط پالیسی سے صوبے کو دیوالیہ کیا،فلاح عامہ کےمنصوبوں میں تاخیر کا نقصان صوبے کے عام آدمی کو ہوا۔

پرویز الہیٰ کا کہنا تھا کہ موجودہ دور عوام کا ا پنا دور ہے،تحریک انصاف کے اتحادی ہیں اور مل کر فلاح عامہ کے لیے کام کرتے رہیں گے، اختلافات کی خواہش رکھنے والوں کے ارمان پورے نہیں ہوں گے۔

Comments

یہ بھی پڑھیں