The news is by your side.

Advertisement

بجٹ 18-2017: کم از کم تنخواہ میں اضافہ کیا جائے گا، رانا ثناء اللہ

لاہور: وزیرقانون پنجاب رانا ثناء اللہ نے کہا ہے کہ وفاقی حکومت بجٹ میں عوام کو ریلیف دینے کی کوشش کرے گی اور سرکاری ملازمین کی کم از کم تنخواہ میں اضافہ کیا جائے گا۔

لاہور میں میڈیا سے گفتگو کرتے ہوئے رانا ثناء اللہ نے کہا کہ پنجاب کا بجٹ 5 یا 6 جون کو پیش کیا جائے گا، اس بار بجٹ میں صاف پانی کی فراہمی کا منصوبہ بھی رکھا گیا ہے۔

انہوں نے کہا کہ صوبے میں پاور پراجیکٹ بن رہے ہیں، بجلی کی کمی کو پورا کرنے کے لیے نیشنل گرڈ میں شامل کی جارہی ہے۔ رانا ثناء اللہ نے کہا کہ ملازمین کی تنخواہوں میں زیادہ سے زیادہ اضافہ بھی کیا جائے گا۔

پڑھیں: بجٹ 18-2017: اسحاق ڈار کا معاشی خسارہ 4.2 پر لانے کا دعویٰ

رانا ثناء اللہ نے کہا کہ صوبے کے عوام کو صحت، تعلیم اور دیگر ضروریات کو مدنظر رکھتے ہوئے ریلیف فراہم کیا جائے گا۔

یاد رہے آج وفاقی وزیر خزانہ نے قومی اسمبلی کے اجلاس میں آئندہ مالی سال کا بجٹ پیش کیا، جس میں صوبوں کو کل آمدنی کا 2384 ارب روپے دینے کا اعلان کیا۔

Print Friendly, PDF & Email

Comments

comments

یہ بھی پڑھیں