اسلام آباد : آئی ایم ایف کی شرط پر لگژری آئٹمز پر لگنے والا 25 فیصد سیلز ٹیکس آج سے نافذ ہوگیا۔
تفصیلات کے مطابق آئی ایم ایف کی شرط پر لگژری آئٹمز پر 25 فیصد سیلز ٹیکس کا اطلاق آج سے ہوگیا۔
ایف بی آر کا کہنا ہے کہ لگژری آئٹمز پر سیلز ٹیکس بڑھانے سے چار ماہ میں پندرہ ارب روپے کی آمدن ہوگی۔
نوٹیفکیشن کے مطابق الیکٹرانکس آئٹمز، میک اپ کے سامان، پالتوجانوروں کی امپورٹڈ خوراک ، امپورٹڈ برانڈڈ جوتوں ، امپورٹڈ لگژری برتنوں، امپورٹڈ باتھ روم فٹنگز پر سیلز ٹیکس کی شرح پچیس فیصد کردی گئی ہے۔
اس کے علاوہ امپورٹڈ اور مقامی سطح پر تیار کی جانے والی چودہ سو سی سی گاڑیوں، امپورٹڈ ٹائلز، سینٹری کے سامان اور دیگرچیزوں پر بھی سیلزٹیکس پچیس فیصد ہوگیا۔
