The news is by your side.

Advertisement

کراچی گرین لائن میٹرو بس منصوبے میں‌ اہم پیشرفت، وفاقی حکومت کا بڑا اقدام

کراچی: وفاقی حکومت نے کراچی گرین لائن میٹرو بسوں کی خریداری کے لیے انٹرنیشنل ٹینڈر جاری کردیا۔

نمائندہ اے آر وائی نیوز کو ذرائع سے ملنے والی اطلاعات کے مطابق وفاقی حکومت میں گرین لائن میٹرو بس منصوبے کے لیے 80 بسوں کی خریداری کا انٹرنیشنل ٹینڈر جاری کیا جس کے بعد ملک کے سب سے بڑے شہر کراچی میں میٹرو بس چلنے کی امید نظر آنے لگی۔

ذرائع کے مطابق وفاقی حکومت نے گرین لائن میٹرو منصوبے کےلیے بسوں کی خریداری،آئی ٹی ایس کی تنیصب کے لیے بھی فنڈز مختص کردئیے، ٹیندرنگ کا مرحلہ تین ماہ میں مکمل ہوگا جس کے بعد  بولی میں کامیاب ہونے والے ادارے سےچھ سے آٹھ ماہ میں میٹرو بسیں درآمد کی جائیں گی۔

مزید پڑھیں: گرین لائن بسیں رواں سال دسمبر سے آنا شروع ہو جائیں گی،گورنر سندھ

ایس آئی ڈی سی ایل ذرائع کے مطابق گرین لائن میٹرو بس منصوبے کو تین سال تک وفاقی حکومت چلائے گی، منصوبے کا فیز ون فروری 2021میں فنکشنل ہونے کا امکان  ہے۔

ایس آئی ڈی سی ایل کے ذرائع نے بتایا کہ منصوبے کے لیے بسوں کی پہلی کھیپ جنوری میں کراچی پہنچنے کا امکان ہے جبکہ سندھ حکومت نے ایدھی اورنج لائن میٹرو بس منصوبہ بھی وفاق کے سپرد کردیا ہے۔

ذرائع کا کہنا ہے کہ وفاق کو سپرد کیے جانے کے معاہدے کے تحت مرکزی حکومت ایدھی اورنج لائن بی آر ٹی منصوبے کے لیے 20 بسوں کی خریداری کرے گی، وفاقی حکومت تین سال تک اورنگی تا بورڈ آفس اورنج لائن (4 کلومیٹر) بی آرٹی بس کا آپریشن چلائے گی۔

یہ بھی پڑھیں: گرین لائن میٹروبس منصوبہ، سندھ اور وفاق میں معاہدہ طے پاگیا

ذرائع کا یہ بھی کہنا ہے کہ سندھ حکومت ایدھی اورنج لائن بی آر ٹی منصوبےکے لیے 2 ارب روپے ایس آئی ڈی سی ایل کو فراہم کرےگی۔

fb-share-icon0
Tweet 20

Comments

comments

یہ بھی پڑھیں