اسلام آباد: پاکستان تحریک انصاف کے رہنما مراد سعید کا کہنا ہے کہ عمران خان کی گرفتاری کے آرڈرز جاری کردیے ہیں۔
سماجی رابطے کی ویب سائٹ ٹوئٹر پر اپنے بیان میں سابق وفاقی وزیر مراد سعید نے کہا کہ عمران خان کی گرفتاری کے آرڈرز جاری کردیے گئے ہیں۔
مراد سعید نے کہا کہ اپنی خودداری مانگنے کی جسارت کی قیمت چکانے کا وقت آگیا ہے، پاکستان کیلئے نکلنے کا وقت آگیا ہے۔
عمران خان کی گرفتاری کے آرڈرز جاری۔ اپنی خودداری مانگنے کی جسارت کی قیمت چکھانے کا وقت آگیا ہے۔نکلو پاکستان کی خاطر!
— Murad Saeed (@MuradSaeedPTI) August 21, 2022
یہ بھی پڑھیں: پولیس نے عمران خان کے گھر کی سیکیورٹی سخت کر دی
خیال رہے کہ چیئرمین تحریک انصاف کے خلاف تھانہ مارگلہ میں انسداد دہشت گردی ایکٹ کے تحت مقدمہ درج کر لیا گیا۔
ایف آئی آر کے متن میں کہا گیا ہے کہ عمران خان نے ایڈیشنل سیشن جج کو ڈرایا دھمکایا آئی جی اسلام آباد اور ڈی آئی جی کو دھمکی دی اور تقریر میں کہا تمہارے اوپر کیس کرنا ہے مجسٹریٹ صاحبہ آپ تیار ہوجائیں آپ کے اوپر بھی ایکشن لیں گے آپ سب کو شرم آنی چاہیے۔
