حکمران دہشت گرد تنظیمیوں کے لوگوں کے ساتھ گھومتے ہیں، قمر زمان کائرہ Terrorists
The news is by your side.

Advertisement

حکمران دہشت گرد تنظیموں کے لوگوں کے ساتھ گھومتے ہیں، قمر زمان کائرہ

کراچی: پیپلزپارٹی کے رہنماء قمر زمان کائرہ نے کہا ہے کہ پنجاب کے حکمران دہشت گرد تنظیموں کے لوگوں کے ساتھ گھومتے پھرتے ہیں اور اپنے صوبے میں اداروں کو آپریشن کی اجازت نہیں دیتے۔

اے آر وائی نیوز کے پروگرام الیونتھ آور میں میزبان وسیم بادامی کے ہمراہ گفتگو کرتے ہوئے قمر زمان کائرہ نے کہا کہ ہم قومی طور پر بے حس ہوچکے ہیں، حالات کو بدلنے کے لیے حکومتیں اکیلے کچھ نہیں کرسکتیں اس کے لیے عوام کو بھی ساتھ دینا ہوگا۔

پنجاب حکومت پر تنقید کرتے ہوئے قمر زمان کائرہ نے کہا کہ موجودہ حکمران دہشت گرد تنظیموں کے لوگوں کے ساتھ گھومتے پھرتے نظر آتے ہیں اور حکومت پنجاب میں اداروں کو آپریشن کرنے کی اجازت بھی نہیں دے رہی، جب تک دہشت گردوں کے خلاف بلاتفریق کارروائی نہیں ہوگی ملک میں امن نہیں آسکتا۔

پی پی رہنماء نے کہا کہ پاناما لیکس میں 600 کے قریب پاکستانیوں کے نام ہیں، اس وقت ملک میں کوئی احتساب نہیں ہورہا کیونکہ حکمران خاندان کا نام خود پاناما میں تھا اگر کسی کے خلاف کارروائی ہوتی تو شریف خاندان خود نشانہ بنتا۔

قمر زمان کائرہ نے کہا کہ پاناما کے معاملے میں تحریک انصاف کا عدالت جانا اچھا ثابت ہوا کیونکہ اس کے بعد میاں صاحب کی چوری پکڑی گئی، نوازشریف کے قریبی ساتھی خود اُن کی چوری سے واقف ہیں، غیر ملکی فنڈنگ کیس میں سُنا ہے عمران خان بھی مشکل میں ہیں۔

اُن کا مزید کہنا تھا کہ جنگ جیو کا احتساب بھی شروع ہوگیا ہے، اب وقت ہے شریف خاندان سمیت سارے میڈیا ٹائیکون کا بھی احتساب کیا جائے۔

Comments

comments

یہ بھی پڑھیں