اسلام آباد : وفاقی حکومت نے احساس ایمرجنسی پروگرام کے تحت اب تک ایک کروڑ 31 لاکھ 37 ہزارسے زائد افراد میں ڈیڑھ کھرب روپے سے زائد رقم تقسیم کردی۔

تفصیلات کے مطابق وفاقی حکومت نے احساس ایمرجنسی پروگرام کے تحت نقد رقوم کی تقسیم کی تفصیلات جاری کردیں، اب تک ایک کروڑ 31 لاکھ 37 ہزارسے زائد افراد مستفید ہوئے اور ڈیڑھ کھرب روپے سے زائد رقم تقسیم کی جاچکی ہے۔

احساس ایمرجنسی کیش پروگرام کے ذریعے ملک بھر کے مستحق افراد میں 158ارب 93 کروڑ سے زائد رقم تقسیم کی گئی۔

اعلامیہ کے مطابق سندھ میں 39 لاکھ 97 ہزارسے زائد افراد پروگرام سے مستفید ہوئے، مستحق افراد میں 48 ارب 20 کروڑ روپے تقسیم ہوئے۔

پنجاب میں 58 لاکھ 85 ہزار سے زائد افراد میں 71 ارب اکیس کروڑ تقسیم کئے گئے، خیبر پختونخوا میں 27 ارب ایک کروڑ روپے 22 لاکھ25 ہزار افراد کو دیئے گئے۔

بلوچستان کے 6 لاکھ 51 ہزارسے زائد مستحق افراد میں 7 ارب 91 کروڑ روپے تقسیم ، گلگت بلتستان میں ایک ارب 16 کروڑ روپے جبکہ آزاد کشمیر میں 2 ارب61 کروڑ روپے مستحق افراد میں تقسیم کیے گئے۔

اعلامیہ کے مطابق اسلام آباد کے 67 ہزار سے زائد افراد مین 81 کروڑ روپے سے زائد رقم تقسیم کی گئی۔