The news is by your side.

Advertisement

افغان حکومت نے طالبان کے تمام قیدیوں کو رہا کردیا

کابل: افغان میڈیا نے دعویٰ کیا ہے کہ حکومت نے طالبان کے تمام جنگجوؤں کو رہا کردیا، البتہ 7 ایسے قیدی ہیں جنہیں براہ راست قطر منتقل کیا جائے گا۔

افغان میڈیا کی رپورٹ کے مطابق طالبان نے افغان حکومت کو 5 ہزار قیدیوں کی فہرست دی تھی جس کے تحت ماسوائے 7 کے تمام جنگجوؤں کو مرحلہ وار رہا کردیا گیا ہے۔

رپورٹ کے مطابق طالبان ذرایع نے بھی تمام قیدیوں کی رہائی کی تصدیق کردی۔ حکومت کے پاس آخری 400 طالبان جنگجوؤں کا گروہ موجود تھا جسے آزاد کردیا گیا ہے۔

فریقین کے درمیان معاہدے کے تحت رہا ہونے والے قیدی اب دوبارہ جنگ میں شامل نہیں ہوں گے۔ ذرایع نے انکشاف کیا ہے کہ حکومتی تحویل میں جن سات قیدیوں کو رہا نہیں کیا گیا وہ ہائی پروفائل جنگجو ہیں۔

افغان حکومت نے طالبان قیدیوں کا گروپ رہا کردیا

ذرایع کا مزید کہنا تھا کہ حکومت کی جانب سے اس اقدام سے مذاکرات کی راہیں مزید ہموار ہورہی ہیں، فریقین بین الاافغان بات چیت کے لیے جلد حتمی تاریخ کا اعلان کرسکتے ہیں۔

Comments

یہ بھی پڑھیں