The news is by your side.

Advertisement

ایڈوکیٹ جنرل پنجاب عاصمہ حامد کو عہدے سے ہٹادیا گیا

لاہور : ایڈوکیٹ جنرل پنجاب عاصمہ حامد کو عہدے سے ہٹا دیا گیا اور ایڈیشنل ایڈوکیٹ جنرل پنجاب شان گل کو ایڈوکیٹ جنرل پنجاب کا چارج دے دیا گیا۔

تفصیلات کے مطابق گورنر پنجاب رفیق رجوانہ کیجانب سے ایڈوکیٹ جنرل پنجاب عاصمہ حامد کو ان کے عہدے سے ہٹانے کا نوٹیفکیشن جاری کردیا گیا، جس میں ہدایت کی گئی کہ وہ فوری طور پر اپنا عہدہ چھوڑ دیں۔

عاصمہ حامد کو ہٹائے جانے کے بعد ایڈیشنل ایڈوکیٹ جنرل پنجاب شان گل کو ایڈوکیٹ جنرل پنجاب کا چارج دے دیا گیا۔


مزید پڑھیں : پنجاب حکومت نے عاصمہ حامد کواے جی پنجاب تعینات کردیا


یاد رہے عاصمہ حامد کو سابق صوبائی حکومت نے اپنی مدت ختم ہونے سے دو روز قبل 28مئی کو تعینات کیا تھا، عاصمہ حامد سابق گورنر پنجاب شاہد حامد کی صاحبزادی اور سابق وفاقی وزیر قانون زاہد حامد کی بھتیجی ہیں۔

مختلف سیاسی جماعتوں کی جانب سے عاصمہ حامد کی بطور ایڈوکیٹ جنرل پنجاب تعیناتی پر تحفظات کا اظہار کیا گیا تھا کہ عاصمہ حامد کے خاندان کا ن لیگ سے قریبی تعلق ہے جس کی وجہ سے وہ الیکشن پر اثرانداز ہوسکتی ہیں۔

عاصمہ حامد سے قبل ایڈووکیٹ جنرل پنجاب شکیل الرحمان خان 27مئی کو اپنے عہدے سے مستعفی ہوئے تھے جسکے بعد عاصمہ حامد کو تعینات کیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں