وفاقی حکومت نے تین صوبوں کے آئی جیز تبدیل کردئیے Govt shuffles IGPs
The news is by your side.

Advertisement

وفاقی حکومت نے تین صوبوں کے آئی جیز تبدیل کردئیے

اسلام آباد: وفاقی حکومت نے پنجاب، سندھ اور خیبرپختونخوا کے انسپکٹر جنرل پولیس کو تبدیل کردیا۔

تفصیلات کے مطابق سندھ، پنجاب اور خیبرپختونخوا میں نئے آئی جیز کی تقرری کردی گئی ہے، صلاح الدین محسود کو آئی جی خیبرپختونخوا تعینات کردیا گیا جبکہ کلیم امام کو آئی جی سندھ مقرر کردیا گیا ہے۔

وفاقی حکومت کی جانب سے جاری اعلامیے کے مطابق محمد طاہر کو سربراہ پنجاب پولیس مقرر کیا گیا ہے جبکہ آئی جی سندھ امجد جاوید سلیمی کو اسٹیبلشمنٹ ڈویژن رپورٹ کرنے کی ہدایت کی گئی ہے۔

آئی جی پنجاب مقرر ہونے والے محمد طاہر اس وقت خیبرپختونخوا پولیس کے سربراہ کے طور پر خدمات انجام دے رہے تھے۔

واضح رہے کہ صلاح الدین محسود اس سے قبل بھی آئی جی خیبرپختونخوا پولیس کی ذمہ داریاں انجام دے چکے ہیں جبکہ کلیم امام آئی جی پنجاب رہ چکے ہیں انہیں اب آئی جی سندھ تعینات کیا گیا ہے۔

Comments

comments

یہ بھی پڑھیں