site
stats
عالمی خبریں

سعودی وزراء کی تنخواہوں میں20فیصدکمی کااعلان

ریاض : سعودی عرب کے فرمانروا شاہ سلمان بن عبد العزیز نے کابینہ کے وزراء کی تنخواہوں میں 20 فیصد کمی اور دیگر مراعات میں بھی کٹوتی کا حکم جاری کردیا۔

تفصیلات کےمطابق تیل کی گرتی ہوئی قیمتوں اور مالی مشکلات میں اضافے کے پیش نظر سعودی حکومت نے اپنے وزراءاور شوریٰ ارکان کی تنخواہوں میں کمی کا اعلان کیا ہے۔

سعودی فرمانروا شاہ سلمان بن عبدالعزیز کے شاہی فرمان کے مطابق سعودی وزراء کی تنخواہوں میں20 فیصد اور شوریٰ ارکان کی تنخواہوں میں 15فیصد کے اعلان کے علاوہ سرکاری ملازمین کے بونسز اور دیگر مراعات بھی ختم کردی گئی ہیں۔

post-1

شاہی فرمان میں کہا گیا ہےکہ سعودی حکومت نے یہ فیصلہ عالمی مارکیٹ میں تیل کی گرتی ہوئی قیمتوں کے پیش نظر کیا ہے۔

یاد رہے کہ 2015 کے دوران تیل کی کم ہوتی ہوئی قیمتیں سعودی عرب کے بجٹ میں 100 ارب ڈالر کے خسارے کا باعث بنی تھیں جبکہ رواں سال میں متوقع خسارہ 87 ارب ڈالر ہے۔

واضح رہے کہ تیل کی اہم برآمدات پر انحصار کو محدود کرنے کی کوششوں کے باوجود 2015 میں ریاست کی آمدنی کا 70 فیصد سے زیادہ انحصار تیل ہی پر تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top