site
stats
سندھ

پولیس میں تبادلے و تقرریاں، سندھ حکومت کا نوٹس

کراچی: پو لیس میں من پسند افسران کی تقرریوں پر سندھ حکومت نے نو ٹس لے لیا جس کے بعد سندھ پولیس کے افسران کو احکامات واپس لینے پڑ گئے۔

تفصیلات کے مطابق گزشتہ دنوں ایسٹ زون کے مختلف اضلاع میں پولیس کی جانب سے تبادلے و تقرریاں کی گئی تھیں جس کے تحت شعبہ تفتیش میں اکیس پولیس افسران اور 5 ڈی ایس پیز کے تقرری اور تبادلوں کے نوٹی فکیشن جا ری کیے گئےتھے۔

سندھ حکومت نے ایسٹ زون میں ہونے والے تقرری و تبادلوں پر نوٹس لیتے ہوئے احکامات واپس لینے کی ہدایت کی جس کے بعد افسران کو احکامات واپس لینے پڑے۔


پڑھیں: سندھ پولیس میں موجود مزید 2 کالی بھیڑوں کے خلاف اغوا کا مقدمہ درج


محکمہ سندھ پو لیس کے بھونڈے فیصلے ایک ہی نوٹس میں ایک ہی زون میں شعبہ تفتیش کےاکیس افسران کے تقرری اور تبادلوں سمیت پانچ ڈی ایس پیز کی تعیناتی کانوٹیفیکیشن جاری کیا تو سندھ حکومت نے بھی نوٹس لے لیا۔

من پسند ترقیوں و تبادلوں پر حکومت نے نوٹس لیا تو سندھ پولیس نے بھی نوٹیفیکیشن واپس لے لیا۔ پولیس کی جانب سے جاری کردہ نوٹیفیکشن کے تحت شعبہ تفتیش کےاکیس پولیس افسران اور پا نچ ڈی ایس پی کے تقرری اور تبا دلے کیے گئے تھے، تاہم کراچی کے مقامی ہو ٹل میں سندھ پو لیس کی ایک سیمینار میں غیر مناسب وقت میں تبادلوں پر تھا نیداروں نے تحفظات کا اظہار بھی کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top