The news is by your side.

Advertisement

حکومت نے ٹماٹر سستے کرنے کے لیے اہم اقدام اٹھا لیا

اسلام آباد: پاکستان میں ٹماٹر کے بحران کے پیش نظر ایران سے 12 کنٹینروں پر مشتمل ٹماٹروں کی پہلی کھیپ پاکستان پہنچ گئی۔

تفصیلات کے مطابق 12 کنٹینروں پر مشتمل ایران سے ٹماٹروں کی پہلی کھیپ پاکستان پہنچ گئی، ایران سے ٹماٹروں کے مزید کنٹینرز آرہے ہیں۔ حکام کا کہنا ہے کہ ایران سے درآمد کیے گئے ٹماٹر کراچی اور پنجاب سمیت ملک کے مختلف حصوں میں فروخت کے لیے بھیجے جائیں گے۔

ملک میں ٹماٹر کے بحران کے باعث اس کی قیمت 300 روپے فی کلو تک پہنچ گئی ہے، ٹماٹر درآمد کرنے سے ملک میں ٹماٹر کی قیمت میں کمی کا امکان ہے۔

سندھ کے ضلع بدین میں ٹماٹر کی فی کلو قیمت 320 روپے تک پہنچ چکی ہے، قیمتوں میں اضافے کے بعد چوروں نے کھیتوں سے ٹماٹر چوری کرنا شروع کردیا ہے۔ وارداتوں میں اضافے کے بعد کسانوں نے کھیتوں میں اسلحہ بردار پہرے دار تعینات کردیے ہیں۔

یاد رہے کہ رواں ہفتے 11 ستمبر کو کراچی میں صحافیوں سے غیر رسمی گفتگو کرتے ہوئے مشیر خزانہ ڈاکٹر عبدالحفیظ شیخ کا کہنا تھا کہ کراچی میں ٹماٹر 17 روپے کلو دستیاب ہیں، لوگ جھوٹ بول رہے ہیں۔ مشیر خزانہ کا کہنا تھا کہ آپ جائیں جا کر چیک کریں۔

fb-share-icon0
Tweet 20

Comments

comments

یہ بھی پڑھیں