The news is by your side.

Advertisement

حکومت کا اپوزیشن کے خلاف سخت لائحہ عمل اپنانے کا فیصلہ

اسلام آباد : وفاقی حکومت نے اپوزیشن کے خلاف سخت لائحہ عمل اپنانے کا فیصلہ کرلیا، وزیر اعظم نے ہدایت کی کہ ترجمان حکومت کا مثبت چہرہ عوام کے سامنے لائیں۔

تفصیلات کے مطابق وزیراعظم عمران خان کی زیر صدارت حکومتی ترجمانوں کا اجلاس ہوا، جس میں وزیراعظم نے دورہ امریکہ پر حکومتی ترجمانوں کو اعتماد میں لیا۔

ذرائع کے مطابق حکومت کا اپوزیشن کے خلاف سخت لائحہ عمل اپنانے کا فیصلہ کرتے ہوئے اپوزیشن کو احتجاج پر سخت ردعمل دینے کا بھی اعلان کیا ۔

ذرائع کے مطابق وزیراعظم نے حکومتی ترجمانوں کو اہم ہدایات جاری کردیں، وزیر اعظم نے ہدایت کی کہ ترجمان حکومت کا مثبت چہرہ عوام کے سامنے لائیں۔

ذرائع کے مطابق اجلاس میں چیئرمین سینیٹ کے خلاف تحریک عدم اعتماد کا معاملہ بھی زیر غور آیا۔چیئرمین سینیٹ کے خلاف تحریک عدم اعتماد کی نمبر گیم سے وزیراعظم کو آگاہ کیا گیا ہے۔

مزید پڑھیں : وزیراعظم چاہتے ہیں اپوزیشن کی حقیقت عوام کے سامنے آئے، فواد چوہدری

اس سے قبل وزیراعظم عمران خان نے اپوزیشن جلسوں پر سڑکیں بند کرنے کا نوٹس لیتے ہوئے کہا تھا اپوزیشن کو پر امن ریلیوں اوراحتجاج کی اجازت ہونی چاہیے۔

وفاقی وزیرسائنس فواد چوہدری نے اپنے ٹوئٹ میں کہا تھا کہ وزیراعظم نے حکام کو ہدایت کی کہ اپوزیشن کو پر امن ریلیوں اوراحتجاج کی اجازت ہونی چاہیے، وزیراعظم چاہتے ہیں اپوزیشن کی حقیقت عوام کےسامنےآئے، اس سے اپوزیشن بے نقاب ہوجائےگی کیوں کہ اس کے پاس اسٹریٹ پاور نہیں، پاکستانی عوام اس سے تنگ آچکی ہے۔

Comments

یہ بھی پڑھیں