آر ٹی ایس سسٹم قانون کا حصّہ ہے اسے مستقبل میں دوبارہ استعمال کیا جائے گا، الیکشن کمیشنECP
The news is by your side.

Advertisement

آر ٹی ایس سسٹم قانون کا حصّہ ہے اسے مستقبل میں دوبارہ استعمال کیا جائے گا، الیکشن کمیشن

اسلام آباد : الیکشن کمیشن آف پاکستان کے ترجمان چوہدری ندیم قاسم نے کہا ہے کہ الیکشن کمیشن چاہتا ہے آر ٹی ایس معاملے کی تحقیقات ہوں۔

تفصیلات کے مطابق لیکشن کمیشن آف پاکستان کے ترجمان چوہدری ندیم قاسم نے اے آئی وائی کے پروگرام سوال یہ ہے میں گفتگو کرتے ہوئے کہا ہے کہ الیکشن کمیشن کا پہلے دن سے مؤقف تھا کہ ماہرین کی ایک کمیٹی بنائی جائے۔

ترجمان الیکشن کمیشن آف پاکستان کا کہنا ہے کہ ماہرین کی کمیٹی بنانے کے ساتھ ساتھ ٹی او آرز بھی دیئے تھے، وفاقی حکومت کو فیصلہ کرنا چاہئے کہ کمیٹی کس قسم کی بننی چاہئے۔

چوہدری ندیم قاسم کا کہنا تھا کہ الیکشن کمیشن چاہتا ہے آر ٹی ایس معاملے کی تحقیقات ہوں، دیکھنا ہوگا آر ٹی ایس میں ٹیکنیکل مسئلہ آیا یا جان بوجھ کر کچھ کیا گیا۔

الیکشن کمیشن کے ترجمان نے گفتگو کرتے ہوئے کہا ہے کہ اوور سیز پاکستانیوں کی ووٹنگ پائلٹ پراجیکٹ ہے، ہم نے اوور سیز پاکستانیوں کی ووٹنگ سے متعلق خدشات کا اظہار کیا تھا، اوور سیز پاکستانی آج رات سے 15 ستمبر تک رجسٹریشن کراسکیں گے۔

چوہدری ندیم قاسم کا کہنا ہے کہ ووٹنگ میں آر ٹی ایس سسٹم دوبارہ استعمال کیا جائے گا، عام انتخابات سے پہلے ضمنی الیکشن میں بھی آر ٹی ایس کا استعمال ہوا تھا، آر ٹی ایس سسٹم قانون کا حصہ ہے اس استعمال کرنا پڑے گا۔

Comments

comments

یہ بھی پڑھیں