The news is by your side.

Advertisement

سرکاری ملازمت کیلئے عمر کی حد سے متعلق بڑی خبر

کوئٹہ : بلوچستان حکومت نے سرکاری ملازمت کیلئےعمرکی بالائی حد43سال مقررکردی،عمر کی نئی حد کا اطلاق 23 جون2021 تک نافذ العمل رہےگا۔

تفصیلات کے مطابق بلوچستان حکومت نے سرکاری ملازمت کے لئے عمر کی بالائی حد میں اضافہ کردیا ہے، اعلامیہ میں کہاگیا ہے کہ 43 سال عمر تک افراد سرکاری ملازمت کی حصول کیلئے اہل ہوں گے۔

اعلامیے میں کہا گیا ہے کہ سرکاری ملازمتوں کے لئے عمر کی بالائی حد کا اطلاق 23جون2021 تک نافذ العمل رہےگا۔

اس سے قبل سندھ حکومت نے سرکاری ملازمتوں کے لیے مقررہ عمر میں 15سال رعایت دی تھی، سندھ حکومت کے نوٹیفکیشن کے مطابق سندھ میں اب 43 سال کی عمر تک کے افراد سرکاری ملازمتوں کے لیے درخواست دے سکتے ہیں۔

واضح رہے کہ سرکاری ملازمت حاصل کرنے کی مقررہ عمر 30 برس تھی، تاہم اب خواہش مند افراد 43 برس کی عمر تک ملازمت حاصل کرنے کی درخواست دے سکتا ہے۔

Comments

یہ بھی پڑھیں