The news is by your side.

Advertisement

اقوام متحدہ کی انسانی حقوق کونسل کا کارکن منتخب ہونا پاکستان کیلیے بڑا اعزاز

اسلام آباد : وزیرخارجہ شاہ محمود قریشی اور وفاقی وزیراطلاعات شبلی فرازکا کہنا ہے کہ اقوام متحدہ کی انسانی حقوق کونسل  کا کارکن منتخب ہونا پاکستان کیلیے بڑا اعزاز ہے۔

تفصیلات کے مطابق وزیرخارجہ شاہ محمود قریشی نے اپنے بیان میں کہا ہے کہ اقوام متحدہ کی انسانی حقوق کونسل کارکن منتخب ہونا بڑا عزاز ہے، انسانی حقوق کامعاملہ پاکستان کےلیےبہت اہمیت رکھتاہے، حکومت ملک میں انسانی حقوق کےتحفظ کیلئے سرگرم ہے۔

شاہ محمود قریشی کا کہنا تھا کہ پاکستان کو مقبوضہ کشمیرمیں انسانی حقوق کےخلاف ورزیوں پرتشویش ہے، انسانی حقوق کونسل میں مسئلہ کشمیر،اسلاموفوبیا اورانسانی حقوق کا تحفظ ترجیح ہوگی، بھارت منفی ہتھکنڈوں سے کشمیریوں کی آوازدبانے کی کوشش کررہا ہے۔

مزید پڑھیں : پاکستان اقوام متحدہ کی انسانی حقوق کونسل کا ممبر منتخب

وفاقی وزیراطلاعات شبلی فراز نے سماجی رابطے کی ویب سائٹ ٹوئٹر پر اپنے پیغام میں کہا 3سال کیلئےانسانی حقوق کونسل رکن منتخب ہوناباعث اعزازہے، انسانی حقوق کونسل کا رکن منتخب ہونا بڑی سفارتی کامیابی ہے۔

شبلی فراز کا کہنا تھا کہ ہم فورم کی رکنیت عالمی برادری کےپاکستان پراعتماد کا اظہار ہے، واضح ثبوت ہے دنیا پاکستان کوانسانی حقوق کےتحفظ کا داعی سمجھتی ہے۔

معاون خصوصی ڈاکٹر شہباز گل نے پیغام میں کہا پاکستان ایشیاپیسفک ریجن میں انسانی حقوق کونسل کا کارکن منتخب ہوگیا ، پاکستان نے سب سے زیادہ میں 191میں سے169ووٹ حاصل کئے، مجرمہ مریم صفدر فرما رہی تھیں پاکستان سفارتی سطح پرناکام ہوگیا، این آر او ملنے میں ناکامی کو یہ پاکستان کی ناکامی بناکرپیش کر رہی ہیں۔

خیال رہے پاکستان اقوام متحدہ کی انسانی حقوق کونسل کا ممبر منتخب ہوگیا تھا، پاکستان نے انسانی حقوق کونسل کے انتخابات میں ریکارڈ ووٹ حاصل کیے۔

Comments

یہ بھی پڑھیں