واشنگٹن: امریکی محکمہ خارجہ کی ترجمان مورگن اورٹیگس نے کہا ہے کہ صدر ٹرمپ اور وزیراعظم عمران خان میں کامیاب مذاکرات ہوئے، دونوں رہنماؤں کی یہ پہلی ملاقات تھی۔
پریس کانفرنس کے دوران مورگن اورٹیگس کا کہنا تھا کہ مائیک پومپیو کی بھی وزیر اعظم عمران خان سے اہم ملاقات ہوئی، صدر ٹرمپ، مائیک پومپیو کو عمران خان سے تعلق بنانے کا موقع ملا۔
انہوں نے کہا کہ اب پاک امریکا تعلقات پر پیش رفت کا وقت ہے، عمران خان نے طالبان سے افغان حکومت سے مذاکرات کی درخواست کی ہے۔
ان کا کہنا تھا کہ افغان امن عمل کیلئے یہ ایک بڑا قدم ہے، وزیراعظم عمران خان سے دیگر اہم معاملات پر بھی بات چیت ہوئی۔
امریکی صدر ٹرمپ جلد پاکستان کا دورہ کریں گے: وزیراعظم عمران خان
امریکی محکمہ خارجہ کی ترجمان کا مزید کہنا تھا کہ چاہتے ہیں افغانستان اپنے مستقبل کا فیصلہ خود کرے، امن معاہدے کیلئے کوئی ڈیڈلائن نہیں دے سکتے۔
