اسلام آباد: عالمی پروازوں کے سلسلے میں وزیر اعظم عمران خان کی جانب سے اوورسیز ورکرز کے لیے بڑی خوش خبری دی گئی ہے۔
اے آر وائی نیوز کے مطابق وزیر اعظم عمران خان نے آج اپنے ٹوئٹ میں اوورسیز ورکرز کو خوش خبری دیتے ہوئے لکھا کہ کل فضائی حدود عالمی پروازوں کے لیے جزوی طور پر کھولی جائے گی۔
وزیر اعظم نے لکھا کہ یہ اقدام ہمارے اوورسیز ورکرز کے لیے اٹھایا جا رہا ہے، اوورسیز ورکرز کی ہمت کا مظاہرہ ہمارے لیے قابل فخر ہے، ہم آپ کو وطن واپسی پر خوش آمدید کہتے ہیں۔
وزیر اعظم کی جانب سے اوورسیز ورکرز کو ہر ممکن مدد کی بھی یقین دہانی کی گئی ہے، انھوں نے لکھا کہ ہماری حکومت آپ کی ہر ممکن مدد کرے گی، پاکستانی کمیونٹی نے بہنوں بھائیوں کی مدد کے لیے انسان دوستی کا کردار ادا کیا۔
حکومت کا بڑا فیصلہ، بین الاقوامی پروازیں بحال ہو گئیں
ٹوئٹ میں وزیر اعظم عمران خان نے مزید لکھا کہ میں پاکستانی کمیونٹی کے کردار کو سراہتا ہوں، ایسی مثالیں ہیں جب پاکستانی کمیونٹی نے ضرورت مندوں کی متاثر کن انداز میں مدد کی۔
I appreciate the philanthropic role played by the Overseas Pakistani community in helping their brothers & sisters abroad during Covid19. There are many examples where the Pakistani community has been a source of inspiration, helping those around in need.
— Imran Khan (@ImranKhanPTI) June 20, 2020
یاد رہے کہ گزشتہ روز حکومت نے ملک میں بین الاقوامی پروازیں بحال کر دی ہیں، اس سلسلے میں سِول ایوی ایشن اتھارٹی کی جانب سے نوٹم بھی جاری کیا گیا، جس میں کہا گیا تھا کہ تمام غیر ملکی مسافر اور چارٹر پروازوں کو پاکستان میں دوبارہ آپریٹ کرنے کی اجازت دی گئی ہے، نیز، پروازوں کو پاکستان میں آپریٹ کرنے کے لیے سی اے اے خصوصی اوقات کار جاری کرے گا۔