اسلام آباد (7 اگست 2026): متحدہ عرب امارات میں رہنے والے پاکستانی شہریوں کو نادرا خصوصی سہولت فراہم کر رہا ہے۔
متحدہ عرب امارات میں مقیم پاکستانیوں کے لیے خوشخبری ہے کہ نیشنل ڈیٹابیس رجسٹریشن اتھارٹی (نادرا) انہیں خصوصی سہولت فراہم کر رہا ہے۔
وہ پاکستانی شہری جنہیں نئی شناختی دستاویزات درکار ہیں یا پھر وہ اپنی دستاویزات میں تبدیلی یا تجدید کرانا چاہتے ہیں تو اس کے لیے انہیں کہیں جانے کی ضرورت نہیں بلکہ یہ سہولت آپ کے قریب تر دستیاب ہوگی۔
نادرا اعلامیے کے مطابق نادرا موبائل رجسٹریشن ٹیم، پاکستان قونصلیٹ ٹیم کے ہمراہ یو اے ای کا دورہ کر رہی ہے۔
نادرا موبائل رجسٹریشن ٹیم ہفتہ (8 اگست) مقامی وقت کے مطابق صبح 8 بجے سے شام 4 بجے تک ’’الاسماء ٹرانسپورٹ اینڈ کمپنی، الہیل روڈ، فجیرہ‘‘ میں کیمپ لگا رہی ہے۔
اس کیمپ میں پاکستانی شہریوں کو نائیکوپ کی فراہمی، منسوخی، ری پرنٹ، ترمیم اور فیملی رجسٹریشن سرٹیفکیٹ بنانے کی خدمات فراہم کی جائیں گی۔
