ریاض: سعودی اسکولوں میں پہلے سمسٹر کے امتحانات کا شیڈول(جدول) جاری کردیا گیا ہے۔
عرب میڈیا کی رپورٹ کے مطابق سعودی وزارت تعلیم نے مملکت میں تمام سرکاری، نجی اور انٹرنیشنل اسکولوں میں پہلے سمسٹر کے امتحان کا جدول جاری کیا ہے۔
رپورٹ میں بتایا گیا کہ تمام اسکولوں میں پہلے سمسٹر کے امتحانات کا آغاز 9 ربیع الثانی بمطابق 17 نومبر سے ہوں گے، جبکہ پریکیٹل امتحانات کو تین دن کے اندر آن لائن نمٹایا جائے گا۔
اسی طرح پرائمری کے طلبا بھی امتحان آن لائن دیں گے، مڈل اور ہائی اسکول کے ویکسین یافتہ طالب علم جن کی عمریں 12 سال سے زیادہ ہیں وہ امتحان دینے کے لیے اسکولوں میں حاضر ہوں گے۔
سعودی وزارت تعلیم کا کہنا ہے کہ امتحانات کے لیے حاضری کے اوقات کار بھی متعین کیے گئے ہیں، ایک دن میں دو سے زائد مضمون کا امتحان نہیں لیا جائے گا۔
خیال رہے کہ مڈل اور ہائی اسکولوں کے وہ طلبا جنہوں نے ویکسین کی خوراکیں مکمل نہیں کیں یا جن کی عمریں 12 سال سے کم ہیں ان کا امتحان آن لائن ہوگا۔