The news is by your side.

Advertisement

کراچی کے شہریوں کے لیے بڑی خوشخبری

کراچی: شہرقائد کے باسیوں کے لیے اچھی خبر آگئی، کراچی سٹی سے اورنگی اسٹیشن تک سرکلرریلوے کی آزمائشی ٹرین کا سفر کامیاب رہا جس کے بعد کے سی آر کو سٹی سے اورنگی اسٹیشن تک توسیع دے دی گئی۔

تفصیلات کے مطابق کراچی سٹی سے اورنگی ٹریک کو کے سی آر آپریشنل ٹریک کا حصہ بنا دیا گیا۔ کراچی سٹی سے اورنگی 14کلومیٹر ٹریک پر8اسٹیشن اور12 پھاٹک ہیں۔ کے سی آر 1 اپ اورنگی اسٹیشن سے شام 4:16 منٹ پرروانہ ہوگی۔ کےسی آرمنگھوپیر، سائٹ، شاہ عبدالطیف اور بلدیہ سے گزرے گی۔

کے سی آرٹرین لیاری اور وزیرمنشن اسٹیشن سے ہوکرسٹی اسٹیشن پہنچے گی۔

سٹی اسٹیشن پہنچنے کے بعد ٹرین معمولی روٹ کے مطابق دھابیجی پہنچے گی۔ کے سی آر 2 ڈاؤن صبح 10:10 پر اورنگی اسٹیشن پہنچے گی۔ کے سی آر ٹرین کا اورنگی سے دھابیجی تک مجموعی طور پر74کلومیٹر کا فاصلہ ہے۔

ٹرین 5 کوچز پر مشتمل ہے مجموعی گنجائش 500 مسافروں کے آرام دہ سفر کی ہے۔

اورنگی سے دھابیجی تک سفر کا کرایہ 30 روپے ہی ہوگا۔ پہلی سرکلر ٹرین آج شام 4:16 پر اورنگی اسٹیشن سے روانہ ہوگی۔

Comments

یہ بھی پڑھیں