ریاض: سعودی عرب نے ٹیکنالوجی کی دنیا میں بڑی کامیابی حاصل کرلی، مملکت میں ہوا سے بجلی پیدا کرنے کا پہلا منصوبہ مکمل ہوگیا ہے۔
عرب میڈیا کی رپورٹ کے مطابق سعودی عرب میں دومۃ الجندل کمپنی نے ہوا سے بجلی تیار کرنے کا پہلا منصوبہ مکمل کیا اور چلانے میں کامیابی حاصل کی ہے۔
رپورٹ میں بتایا گیا کہ دومۃ الجندل پراجیکٹ الجوف ریجن میں ہے، یہ ریاض سے 900 کلو میٹر شمال میں واقع ہے۔ سعودی عرب میں اس منصوبے کی تکمیل بڑی کامیابی قرار دی جارہی ہے۔
یہ منصوبہ سعودی عرب میں اپنی نوعیت کا پہلا اور مشرق وسطی میں سب سے بڑا ہے۔ دومۃ الجندل تجدد پذیر توانائی کے ادارے اے ڈی ایف رینوبلز انٹرنیشنل کمپنی اور ابوظبی فیوچر انرجی کمپنی کے تعاون سے اس مشن کی تکمیل ہوئی۔ اس سے سالانہ بنیاد پر 20 لاکھ ٹین کاربن ڈائی آکسائیڈ کے اخراج میں کمی آئے گی۔
ہوا سے سالانہ 400 میگا واٹ بجلی پیدا ہو گی، یہ پروجیکٹ 2022 میں مکمل ہوگا۔
