The news is by your side.

سعودی عرب سے بڑی خوشخبری، حکومت نے خواہش پوری کردی

ریاض: سعودی وزارت ہاؤسنگ کے خصوصی ریلیف پروگرام کے تحت مملکت میں رواں سال 45 ہزار مقامی خاندان نے اپنا ذاتی گھر کا خواب پورا کیا۔

عرب میڈیا کی رپورٹ کے مطابق سعودی وزارت نے سکنی نامی پروگرام شروع کیا ہے جس کے تحت مقامی شہری اور خاندان کو اپنا گھر خریدنے میں مالی اور دیگر اعتبار سے مدد فراہم کی جاتی ہے۔

سعودی وژن 2030 کا ہدف حاصل کرنے کے لیے سعودی وزارت ہاوسنگ2030 تک 70 فیصد سعودیوں کے لیے گھر وں کی ملکیت کو یقینی بنانے کی کوشش کر رہی ہے۔

ایک اعدادوشمار کے مطابق جنوری2021 کے آغاز سے گزشتہ ماہ اگست تک کل 45 ہزار 815 خاندانوں نے سبسڈی والے گھروں کے لیے قرضہ اسکیم سے فائدہ اٹھایا۔ سکنی پروگرام کے علاوہ بھی دیگر ہاؤسنگ اسکیم فراہم کی جارہی ہے۔

سعودی عرب میں سکنی خدمات کے تحت اگست 2021 کو ختم ہونے والی اسی مدت کے دوران دیگر پروگراموں سے فائدہ اٹھانے والوں کی تعداد ایک لاکھ 45 ہزار خاندانوں تک پہنچ چکی ہے۔

مذکورہ مدت کے دوران مجموعی طور پر ایک لاکھ 15 ہزار سے زائد خاندان اپنے نئے گھروں میں منتقل ہوئے۔

واضح رہے کہ وزارت ہاؤسنگ اینڈ رئیل سٹیٹ ڈویلپمنٹ فنڈ نے سعودی عرب میں اپنے شہریوں کے لیے گھر وں کی ملکیت کو آسان بنانے کے مقصد سے2017 میں سکنی پروگرام تشکیل دیا تھا۔

Comments

یہ بھی پڑھیں