آزاد کشمیر کی قانون ساز اسمبلی کے انتخابات سے قبل تحریک انصاف کو بڑی کامیابی مل گئی، جماعت اسلامی کے مرکزی رہنما پی ٹی آئی امیدوار کے حق میں دستبردار ہو گئے۔
تفصیلات کے مطابق حلقہ ایل اے15باغ سےجےآئی کےامیدوار پی ٹی آئی کےحق میں دستبردار ہو گئے ہیں۔ عبدالرشیدترابی نےساتھیوں سمیت تنویرالیاس کی حمایت کااعلان کیا ہے۔
عبدالرشیدترابی کا کہنا ہے کہ ساتھیوں سمیت حلقےکےوسیع ترمفادمیں دستبرداری کافیصلہ کیا ساتھیوں سےکئی دن سے مشاورت کا عمل جاری تھا اور وفاقی وزراکی جانب سےبھی مفاہمت کےلیےرابطےجاری تھے یہ مفاہمت صرف حلقہ وسطی باغ کی سطح پرہے۔
آزاد کشمیر الیکشن؛ مزید امیدوار تحریک انصاف کےحق میں دستبردار
تحریک انصاف کے سردار تنویر الیاس نے کہا کہ پی ٹی آئی آزادکشمیرمیں دوتہائی اکثریت سے حکومت بنائےگی تحریک انصاف آزاد کشمیر میں تعمیر و ترقی کےنئے دور کا آغاز کرےگی۔
حلقہ غربی باغ آزادکشمیر میں بھی تحریک انصاف کو حمایت ملنے لگی ہے۔ اپربیلٹ سے سیاسی رہنماؤں کی بڑی تعدادتحریک انصاف میں شامل ہو گئی ہے۔
مراد سعید کا کہنا ہے کہ انشااللہ 25جولائی کو تحریک انصاف کشمیر سےبھاری اکثریت سےکامیاب ہوگی، ن لیگ اور پی پی کو الیکشن سے قبل عوام نے مسترد کر دیا آزاد کشمیر نے عالمی سطح پر کشمیر کا مقدمہ لڑنے والے عمران خان کے حق میں فیصلہ کر لیا۔
