لاہور: گریٹراقبال پارک کیس میں پولیس نے ریمبو کی بلیک میل کرنے کی آڈیو بھی موبائل سے برآمد کرلی، ڈی آئی جی انویسٹی گیشن کا کہنا ہے کہ تمام آڈیو اور ویڈیو لیبارٹری کرائی جا رہی ہیں۔
تفصیلات کے مطابق گریٹراقبال پارک کیس میں ریمبو کی بلیک میلنگ کی ایک آڈیو سامنے آگئی ، ،ڈی آئی جی انویسٹی گیشن کا کہنا ہے کہ عائشہ اکرم کے ساتھی ریمبو کی بلیک میل کرنے کی آڈیو بھی موبائل سے برآمد کرلی ہے، تمام آڈیو اور ویڈیو لیبارٹری کرائی جا رہی ہیں۔
اس سے قبل ٹک ٹاکر عائشہ اکرم اور اس کے ساتھی ریمبو کی تہلکہ خیز آڈیو ٹیپ سامنے آئی تھی ، آڈیو ٹیپ میں دونوں کے مابین جیل میں شناخت ہونے والے ملزمان سے رقم لینے کی گفتگو کی گئی۔
ٹیلی فون کال میں ریمبو نے عائشہ سے سوال کیا تھا مجرم6ہیں یا7؟ جس پر عائشہ نے جواب دیا کہ 6 مجرم ہیں، بعد ازاں ریمبو کا کہنا تھا کہ فی مجرم کتنےپیسے لیےجائیں زیادہ ترغریب ہیں تو عائشہ نے کہا مشکل سے انہوں نے پانچ پانچ لاکھ دینا ہے۔
شارق جمال کا کہنا تھا کہ کال کواس کیس کاحصہ بنارہےہیں، ریمبو4روزکےجسمانی ریمانڈپرہے، جس سے کافی تفصیلات سامنے آئی ہیں۔
