دبئی: پاسپورٹ انڈیس نے متحدہ عرب امارات کے پاسپورٹ کو دنیا کا سب سے بہترین پاسپورٹ قرار دے دیا۔
خلیج ٹائمز کی رپورٹ کے مطابق پاسپورٹ انڈیکس نے اپنی رپورٹ میں متحدہ عرب امارات کے پاسپورٹ کو دنیا کا سب سے بہترین پاسپورٹ قرار دیا ہے، متحدہ عرب امارات کے پاسپورٹ کی ریٹنگ میں حیرت انگیز طور پر 161 فیصد اضافہ ہوا ہے۔
یو اے ای کا پاسپورٹ 179 نقل و حرکت کے اسکور کے ساتھ فہرست میں ٹاپ پر موجود ہے، اس سے متحدہ عرب امارات پاسپورٹ کی طاقت کی درجہ بندی میں سب سے پہلی عرب قوم بن گیا ہے۔
رپورٹ کے مطابق اماراتی پاسپورٹ ہولڈر انتہائی متحرک ہیں، گزشتہ تین سالوں میں پاسپورٹ نے کل 111 ویزا چھوٹ حاصل کی ہے، وہ اب یا تو ویزا فری سفر کرسکتے ہیں یا پھر دنیا کے 90 فیصد حصے میں ویزا آن آرائیول کی سہولت حاصل کرسکتے ہیں۔
فہرست میں ٹاپ پر پہنچنا متحدہ عرب امارات کے لیے چیلنج تھا اور یہ انہوں نے تین سال قبل حاصل کیا تھا۔
پاسپورٹ انڈیکس کے مطابق دوسرے نمبر پر قطر کا پاسپورٹ ہے، تیسرے پر رواندا، چوتھے پر یوکرین، مکاؤ پانچویں، انڈونیشیا چھٹے، سائپرس ساتویں، برونئی آٹھویں، سینٹ کٹس نویں اور سعودی عرب دسویں نمبر پر موجود ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں