The news is by your side.

Advertisement

آرمی چیف سے یونانی سفیر کی ملاقات، افغانستان کیلئے پاکستان کے کرداراور انخلا میں تعاون کی تعریف

راولپنڈی : آرمی چیف جنرل قمرجاویدباجوہ سے ملاقات میں یونانی سفیرنے افغانستان کیلئے پاکستان کے کرداراور انخلا میں تعاون کو سراہتے ہوئے کورونا کے کنٹرول کیلئے پاکستانی کوششوں کی تعریف کی۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاکستان میں یونان کے سفیرآندریس پاپاستروو نے جی ایچ کیو کا دورہ کیا اور آرمی چیف جنرل قمرجاویدباجوہ سے ملاقات کی۔

آئی ایس پی آر کا کہنا تھا کہ ملاقات میں باہمی دلچسپی،تعاون،علاقائی سیکیورٹی،افغان صورتحال پرگفتگو کی گئی ، آرمی چیف نے کہا کہ افغان عوام کے بہتر مستقبل کے لئے کوششیں جاری رکھیں گے۔

جنرل قمر جاوید باجوہ نے کہا کہ پاکستان ہرطرح کی سیاحت ،کاروباراورکھیلوں کیلئےمحفوظ ہے، ہرشعبےمیں باہمی تعاون کے فروغ کی حوصلہ افزائی کریں گے۔

اس موقع پر یونانی سفیرنے کورونا کے کنٹرول کیلئے پاکستانی کوششوں کی تعریف کرتے ہوئے افغانستان کیلئے پاکستان کے کرداراور انخلا میں تعاون کو سراہا۔

Comments

یہ بھی پڑھیں