مشہور فٹنس انفلوئنسر جیورجی زانے جینیلڈزے ویڈیو بناتے ہوئے اٹلی کے گہری کھائی میں گر کر موت کا شکار ہوگئے۔
غیرملکی میڈیا رپورٹ کے مطابق 23 سالہ فٹنس انفلوئنسر جیورجی زانے جینیلڈزے کا تعلق یونان سے تھا ان کے ساتھ یہ افسوسناک واقعہ اٹلی کے پہاڑی علاقے ’ روگھوڈی ویچیو ‘ میں پیش آیا۔
میڈیا رپورٹس کے مطابق فٹنس انفلوئنسر بالکنی میں کھڑا ویڈیو کانٹینٹ بنا رہا تھا کہ حفاظتی جالیاں نہ ہونے کے وجہ سے پھسل کر گہری کھائی میں جا گرا۔
View this post on Instagram
میڈیا رپورٹس کے مطابق واقعے کی اطلاع ملتے ہی ریسکیو ٹیمیں فوری جائے وقوعہ پر پہنچیں لیکن بدقسمتی سے انفلوئنسر کی جان بچانے میں ناکام رہیں، کھائی کی گہرائی کے باعث ان کی لاش نکالنے کے لیے ہیلی کاپٹر کی مدد لی گئی۔
فٹنس انفلوئنسر مسٹر جینیلڈزے کے دوست کرس کوگیاس بھی سفر میں ان کے ساتھ تھے، انہوں نے بھی اپنے دوست کی موت کی تصدیق کردی ہے۔
کوگیاس نے ایک بیان میں کہا زانے اب ہمارے ساتھ نہیں ہے، یونانی باشندے جینیلڈزے کے انسٹاگرام پر 100,000 سے زیادہ فالوورز تھے، ان کی حالیہ پوسٹ میں پروٹین پاؤڈر کی تشہیر کی گئی۔
