تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سبز الائچی والا قہوہ پینا ناممکن، قیمت ناقابل یقین حد تک بڑھ گئی

راولپنڈی: قہوے والی سبز الائچی کو آگ لگ گئی، الائچی کی قیمتیں آسمان سے باتیں کرنے لگیں۔

تفصیلات کے مطابق سبز الائچی والا قہوہ پینا عام شہری کے بس میں نہیں رہا، 3500 روپے کلو میں فروخت ہونے والی سبز الائچی 9000 روپے کلو تک پہنچ گئی ہے۔

مارکیٹ ذرایع کے مطابق دوسرے درجے کی الائچی بھی 8500 روپے کلو فروخت ہونے لگی ہے۔

خیال رہے کہ سردی شروع ہوتے ہی ملک بھر میں قہوے کی طلب میں اضافہ ہو جاتا ہے، سردی سے ٹھٹھرتے جسم کے لیے گرما گرم قہوے کا استعمال بہت مفید رہتا ہے، قہوے کا استعمال تمام جسمانی افعال کو بھی متحرک رکھنے میں مددگار ہے۔

شدید سردی کے باعث دیگر شہروں کے ساتھ راولپنڈی میں بھی قہوہ خانے آباد ہو گئے ہیں، تاہم طلب میں اضافے کو دیکھتے ہوئے قہوے میں ڈالی جانے والی سبز الائچی کی قیمتوں میں کئی سو گنا اضافہ کر دیا گیا ہے۔

الائچی پاک و ہند سمیت ایشیائی ممالک میں گھروں میں عام مستعمل ہے اور اس کے بے شمار فوائد ہیں، انسان کے نظام انہضام پر اس کے بہترین اثرات مرتب ہوتے ہیں۔

Comments

- Advertisement -