The news is by your side.

Advertisement

مزید 40 گرین لائن بسیں کراچی پورٹ پہنچ گئیں

کراچی : گرین لائن کے لیے مزید40 بسیں بندرگاہ پہنچ گئیں، بحری جہاز کراچی پورٹ پر لنگر انداز ہوگیا۔

اس حوالے سے ذرائع کا کہنا ہے کہ کراچی پہنچنے والی گرین لائن بسوں کی اب تک تعداد80ہوگئی ہے، اس سے قبل پچھلے ماہ 19 ستمبر کو چالیس بسیں آئی تھیں۔

اوشین نامی بحری جہاز چین سے14اکتوبر کی رات کو کراچی پہنچا تھا، بڑے ڈرافٹ والے جہاز کی برتھ خالی نہ ہونے کے باعث لنگر انداز ہونے میں تاخیر ہوئی۔

ذرائع کے مطابق بحری جہاز کو6روز تاخیر سے برتھ ملا، گرین لائن بسیں سرجانی ڈپو پہنچائی جائیں گی سرجانی ڈپو پر چینی ماہرین بسوں کا تکنیکی جائزہ لیں گے۔

اس سے قبل مزید چالیس بسیں کراچی پہنچنے کے بعد شہریوں کیلئے اسی ماہ سروس شروع کرنے کا اعلان کیا گیا تھا۔ ڈرائیورز کی تربیت کے لئے چینی ماہرین کراچی میں ہیں، چینی ماہرین کی تکنیکی جائزے کے بعد بسوں کو ٹرائل پر چلایا جائے گا۔

واضح رہے کہ مہینہ ختم ہونے میں 10روز باقی ہیں جبکہ یہ منصوبہ 2016ء میں شروع ہوا تھا۔ حکام کے مطابق پہلے فیز میں گرین لائن بسیں سرجانی ٹاؤن سے نمائش چورنگی تک چلائی جائیں گی۔

Comments

یہ بھی پڑھیں